Li Dîlokê bûyera trafîkê: 1 mirî, 10 birîndar
Li parêzgeha Dîloka ya Bakurê Kurdistanê, mînîbusek wergeriya û di encamê de kesekî canê xwe ji dest da û 10 kes birîndar bûn
Bûyer îro 17ê Mijdara 2022an li navçeya Cebel Nûr a Dîlokê çê bûye.
Li gor zanyariyan, mînîbusek ku ji parêzgeha Hatayê ya Tirkiyê ji bo dawetekê diçû bajarê Sêrtê yê Bakurê Kurdistanê ji rê derketiye û wergeriyaye.
Di encama bûyerê de kesê bi navê Mehmet Nurî Siyahtoprak ê 53 salî canê xwe ji dest daye û 10 kes jî birîndar bûn.
Li ser agahdarkirinê, tîmên tendirustiyê û polîs bo cihê bûyerê hatin şandin.
Birîndar ji aliyê tîmên tendirustiyê ve bo nexweşxaneyên cuda yên li Cebel Nûr û Dîlokê hatin veguhestin.
Ev nûçe bi tevahî 547 kes dît.
Nûvekirina herî dawî: 14:23:09
Nûvekirina herî dawî: 14:23:09
