Mamosteyekî zimanê Kurdî li Sineyê hat desteserkirin
Hêzên ewlekariyê yên Îranê li bajarê Sine yê Rojhilatê Kurdistanê, mamosteyê zimanê Kurdî û Endamê Desteya Rêveber a Encûmena Çandî-Civakî ya Nûjînê desteser kirin.
Encûmena Çandî-Civakî ya Nûjînê di daxuyaniyekê de ragihand, îro Yekşembê 18ê Kanûnê demjimêr 14:00 hêzên emnî yên Îranê, Îdrîs Minberî Endamê Desteya Rêveber a Encûmena Çandî-Civakî ya Nûjînê desteser kirine û dest bi ser laptop û kelûpelên wî yên taybet de girtine.
Îdrîs Minberî ji damezrînerên Encûmena Çandî-Civakî ya Nûjînê û yek ji endamên Desteya Rêveber a wê encûmenê û herwiha mamozteyê zimanê Kurdî ye.
Encûmena Nûjînê di sala 2010an de li bajarê Sine yê Rojhilatê Kurdistanê hatiye damezrandin û navenda wê li Sine ye, lê şaxên wê encûmenê li bajar û bajarokên wê parêzgehê heye.
Çalakiya sereke ya encûmenê fêrkirin û perwerdeya zimanê Kurdî ye, lê belê çalakiyên çandî û hunerî jî dike û jibo pêşxistina çanda Kurdî hewl dide.
Ev nûçe bi tevahî 962 kes dît.
Nûvekirina herî dawî: 04:16:33
Nûvekirina herî dawî: 04:16:33
