Nêçîrvan Barzanî û Patrick Durel pêwendiyên Hewlêr û Parîsê gotûbêj kirin

Nêçîrvan Barzanî û Durel her wiha behsa serdana çaverêkirî ya Emmanuel Macron a ji bo Îraq û Herêma Kurdistanê kir.

Nêçîrvan Barzanî û Balyozê Fransayê yê Îraqê Patrick Durel civiyan.

Li gorî daxuyaniya Serokatiya Herêma Kurdistanê, di civînê de pêwendiyên di navbera Fransa, Îraq û Herêma Kurdistanê de bi girîng hatin nirxandin û tekezî li ser berfirehkirina hevkariya hevbeş hat kirin.

Di heman çarçoveyê de behsa serdana çaverêkirî ya Serokkomarê Fransayê Emmanuel Macron a ji bo Îraq û Herêma Kurdistanê jî hat kirin.

Rewşa giştî ya navxweyî ya Îraq û Herêma Kurdistanê, pêwendiyên Hewlêr û Bexdayê li gel welatên cîran, hilbijartinên giştî yên pêşerojê yên Îraqê û pêşhatên dawî yên herêmê, mijarên din ên civînê bûn.