Nêçîrvan Barzanî: Zanayên olî her tim bûne stûna parastina nirxên niştimanî

Serokê Herêma Kurdistanê Nêçîrvan Barzanî bi helkefta salvegera 56emîn a damezirandina Yekîtiya Zanayên Olî yên Îslamî ya Kurdistanê peyameke pîrozbahiyê weşand.

Serokê Herêma Kurdistanê Nêçîrvan Barzanî di peyamê de pîrozbahî li serok, endamên Mekteba Cîbicîkar, serkirdayetî û hemû mamoste û zanayên ola pîroz a Îslamê yên li Herêma Kurdistanê kir û hêviya serkeftinê ji wan re xwest.

Nêçîrvan Barzanî got, "Em dîroka têkoşîna zanayên olî û yekîtiya wan a di qonaxa têkoşîna rizgarixwazî de û di serdema şoreşê de, mil bi milê Pêşmerge û zarokên gelê me, bi pêzanîn û rêzeke mezin dinirxînin."

Serokê Herêma Kurdistanê her wiha ragihand:

"Di vê bîranîna biheybet de, em silav û rêzan ji bo rihê pak ê şehîdên zanayên olî û hemû şehîdên rêya azadiya Kurdistanê dişînin ku di ber niştimanê de canê xwe feda kir."

Rola mamosteyên olî di parastina aştiyê de

Serokê Herêma Kurdistanê pesnê rola zanayên olî da û got:

"Zanayên birêz ên olî her tim stûna parastina nirxên mirovî û niştimanî bûne.

Ew di çespandina nermrêyî, lêborîn û pêkvejiyana di navbera pêkhateyan de, her wiha di rûbirûbûna tundrewiyê û parastina aştiya civakî de roleke bilind dilîzin."

Nêçîrvan Barzanî tekez kir ku Kurdistan wekî her tim dê wekî "hêlîna pêkvejiyana aştiyane" bimîne.

Peyama Serokê Herêma Kurdistanê Nêçîrvan Barzanî wiha ye:

"Di salvegera 56emîn a damezirandina Yekîtiya Zanayên Olî yên Îslamî ya Kurdistanê de, pîrozbahiyên xwe yên herî germ pêşkêşî serok û endamên birêz ên Mekteba Cîbicîkar, serkirdayetî û hemû mamoste û zanayên ola pîroz a Îslamê yên li Herêma Kurdistanê dikim û hêviya serkeftinê ji wan re dixwazim.

Em dîroka têkoşîna zanayên olî û yekîtiya wan a di qonaxa têkoşîna rizgarixwazî de û di serdema şoreşê de, mil bi milê Pêşmerge û zarokên gelê me, bi pêzanîn û rêzeke mezin dinirxînin.

Di vê bîranîna biheybet de, em silav û rêzan ji bo rihê pak ê şehîdên zanayên olî û hemû şehîdên rêya azadiya Kurdistanê dişînin ku di ber niştimanê de canê xwe feda kir.

Mamosteyên birêz ên olî her tim stûna parastina nirxên mirovî û niştimanî bûne.

Ew di çespandina nermrêyî, lêborîn û pêkvejiyana di navbera pêkhateyan de, her wiha di rûbirûbûna tundrewiyê û parastina aştiya civakî de roleke bilind dilîzin.

Her di vê bîranînê de em tekez dikin ku Kurdistan wekî her tim dê wekî hêlîna bihevrejiyana aştiyane bimîne.