Operasyona çiyayê Qereçûx bi serkeftina hêzên pêşmerge bi dawî hat
Operasyona Hêzên Pêşmergeyên Kurdistanê û hevpeymanan li Çiyayê Qereçûxê bi serkeftî bi dawî bû, di encam de hejmareke mezin ji çekdarên DAIŞê hatin kuştin û çend pêşmerge î şehîd bûn.
Li gor zanyariyên BasNewsê di operasyona îro, ya hêzên pêşmergeyên Kurdistanê li ser bargehên DAIŞê hejmareke mezin ji çekdarên wê rêxistinê hatin kuştin,di encama şerûpevçûnan de 5 pêşmerge ku, yek ji wan efser bi pileya neqîb şehîd bûn û hejmareke din jî birîndar bûn.
Îro, bi destpêkirina operasyonê berpirsê mihwerê Guwêr-Mexmûr a Hêzên Pêşmerge, Sîrwan Barzanî ragehand ku, tevgera DAIŞê li navçeyê zor bû û sûd ji valahiya di navbera hêzên pêşmerge û hêzên Iraqê de wergirtibûn, zanyarî li cem me hebû ku, wan xwe li çiyayî Qereçûx veşartine, me êrîşî wan kir.
Operasyona demijmêr 3:15 sibeha îro bi bombebarankirina hêzên hevpeymaniya navnetewî destpêkir piştî bi demjmêrekî hêzên pêşmerge dest bi operasyonê kir û piştî nîvro bi serkeftin bi dawî bû.
Nûvekirina herî dawî: 17:20:09
