PDKyê sersaxî ji PAKê re xwest
Bi minasebeta wefata Cîhgirê Serokê Giştî yê PAKê Birêz Feyyaz Ekmen, Berpirsê Ofîsa Peywendîyên Niştimanî ya PDKyê(Partîya Demokrat a Kurdistanê) Birêz Elî Husên û endamê rêveberîya Ofîsa Peywendîyên Niştimanî ya PDKyê Birêz Nîzar Botanî roja 02.05.2021ê li Hewlêrê seredana Ofîsa Peywendîyan a PAKê kirin.
Serokê Giştî yê PAKê Birêz Mustafa Özçelik, endamê Komîteya Bireveber a Navendî û Berpirsê Başûrê Kurdistanê yê PAKê Birêz Orhan Kaya û endamê Komîteya Başûrê Kurdistanê ya PAKê BirêzTemo Ayas pêşewazîya heyeta PDKyê kirin.
Birêz Elî Husên li ser navê Mekteb Sîyasî ya PDKyê sersaxî ji PAKê, ji malbata Birêz Feyyaz Ekmen û ji gelê Kurdistanê re xwest.
Birêz Mustafa Özçelik spasîya xwe pêşkêşî Mekteb Sîyasî ya PDKyê û Ofîsa Peywendîyên Niştimanî ya PDKyê kir û bahsa jîyan û xebata Birêz Feyyaz Ekmen ya di doza azadîya Kurdistanê de kir û girîngîya şexsîyet û keda Birêz Feyyaz Ekmen anî ziman.
02.05.2021
Buroya Çapemenî û Ragehandinê ya PAKê
Ev nûçe bi tevahî 866 kes dît.
Nûvekirina herî dawî: 04:27:30
Nûvekirina herî dawî: 04:27:30
