Pêşmerge li Şingalê rastî êrişê hat: 3 birîndar
Li gorî zanyariyên berdest li navenda bajarê Şingalê çend kesên nenaskirî teqe li otomobîleke hêzên Pêşmerge kirin û di encamê de 3 Pêşmerge birîndar bûn.
Pêşmergeyên Herêma Kurdistanê li navçeya Şingalê rastî êrişeke çekdarî hatin. Çend kesên nenaskirî li nêzîkî Bazara Şingalê gule berdane wesayîta hêzên Pêşmerge.
Li gorî agahiyan di encama gulebarankirinê de 3 Pêşmerge yên bi navê Xewas Ehmed Mêrgetî, Hûşyar Seîd Bergare û Şivan Ehmed birîndar bûn. Fermandeyê Lîwaya Taybet a 2 ya Hêza Pêşmerge, Lîwa Hekar Amêdî ragihand ku ew pêşmergeyên ku di bûyerê de birîndar bûne ser bi hêza me bûn û rewşa tendirustiya wan niha baş e.
Fermandarê Pêşmerge di berdewamiya axaftina xwe de got: "Ew pêşmergeyên birîndar nizanin kê teqe li wan kiriye û guman li ser tu kesî jî nîne, lê belê lêkolîn li ser bûyerê berdewam e."
Ev nûçe bi tevahî 1677 kes dît.
Nûvekirina herî dawî: 18:46:21
Nûvekirina herî dawî: 18:46:21
