Trump: Tengava Hurmizê bi peyman yan bê peyman, dê vebe

Serokê Amerîkayê Donald Trump derbarê rewşa Tengava Hurmizê û danûstandinên bi Îranê re destnîşan kir, vekirina Tengava Hurmizê ji bo wan erkekî sereke ye û got: "Tengava Hurmizê bi peymana li gel Îranê be yan jî bêyî peyman be, dê careke din were vekirin."

Trump ji rojnamevanan re axivî û diyar kir, Washington ji bo vekirina vê rêrewa stratejîk a deryayî "pêwîstiya wê bi ti plana alternatîf (Plan B) nîne". 

Ev daxuyaniya Trump di demekê de tê, piştî 40 rojên aloziya leşkerî, biryar e îro 11ê Adarê li Îslamabada paytextê Pakistanê, gera nû ya danûstandinên navbera Washington û Tehranê dest pê bike. Trump hêviya serkeftinê ji bo şandeya welatê xwe xwest.

Donald Trump şertê bingehîn ê Amerîkayê ji bo asayîkirina rewşê aşkere kir û got: "Divê Îran bi temamî pêvajoya dewlemendkirina uranyumê rawestîne."

Herwiha Serokê Amerîkayê dijberiya xwe ya li hemberî plana Îranê ya ji bo wergirtina bacê ji keştiyan anî ziman û got: "Em rê nadin ku Îran di dema derbasbûna di tengavê re ti bac an jî bacekê li ser keştiyan ferz bike. Em ê rê li ber her hewldaneke ku bibe sedema astengkirina çûnûhatina deryayî li vê rêrewa girîng bigirin."