2 malbat ji ber erdan bi hev ketin: 6 kes birîndar bûn
Li navçeya Siwêregê ya parêzgeha Rihayê ya Bakurê Kurdistanê ji ber pirsgirêka erd û zeviyan di navbera 2 malbat da pev çûn, di encamê de 6 kes birîndar bûn.
Li taxa Buyuk Kazanliyê ya Siwêregê doh ji ber pirsgirêka li ser erd û zeviyan di navbera 2 malbatan de alozî derket, piştî ku alozî zêde bû bi kevir, dar û çekan pev çûn.
Li ser agahdarkirinê tîmên tenduristiyê û cendirme çûn cihê bûyerê.
Di şerê du malbatan de Şêxmûs (42), Mehmet Nedîm (46), Mistefa (56), Hemdullah (44) û Sînan K. (68) û Sînan S. (25) birîndar bûn.
Tîmên tenduristiyê birîndar bi ambulansan veguhestin Nexweşxaneya Dewletê ya Siwêregê.
Hêzên ewlehiyê li taxê û ber nexweşxaneyê tedbîr zêde kirin.
Ev nûçe bi tevahî 742 kes dît.
Nûvekirina herî dawî: 13:15:42
Nûvekirina herî dawî: 13:15:42
