Agırî: Cerdevanekî hevjîn û bûrayê xwe kuştin
Li navçeya Panosê ya Agiriyê, cerdevanekî hevjîn û bûrayê xwe kuştin û xesûya xwe û hevjîna bûrayê xwe jî birîndar kirin.
Cerdevanê bi navê Metîn Tunç şeva borî ji bo ku bi hevjîna xwe ya ji malê çûbû re biaxive çû mala xezûrê xwe.
Di navbera Metîn Tunç û malbata hevjîna wî de ku di heman demê de xizmên wî ne nîqaş derket.
Metîn Tunç bi demançeyê hevjîna xwe Bîrsen Tunç û bûrayê xwe Fecrî Tunç kuştin.
Wî cerdevanî xesûya xwe Xanim Tunç û hevjîna bûrayê xwe Nuriye Tunç jî birîndar kirin û ji cihê bûyerê reviya.
Piştî agahdarkirinê tîmên tenduristiyê û polîs çûn cihê bûyerê.
Tîmên tenduristiyê Xanim Tunç û Nuriye Tunç birin Nexweşxaneya Perwerde û Lêkolînê ya Agiriyê ya Bakurê Kurdistanê.
Hêzên ewlehiyê ji bo desteserkirina Metîn Tunç dest bi xebatan kir.
Ev nûçe bi tevahî 882 kes dît.
Nûvekirina herî dawî: 22:11:37
Nûvekirina herî dawî: 22:11:37
