Encûmena Wezîran a Herêma Kurdistanê pirsa bûdce û benzînê gotûbêj dike
Encûmena Wezîran a Herêma Kurdistanê îro 2ê Tebaxa 2023an bi serperiştiya Serokwezîr Mesrûr Barzanî û amadebûna Cîgirê Serokwezîr Qubad Talebanî dicive.
Li daxuyaniya Fermangeha Medya û Zanyariyan, di mijara yekem a civînê de, pêşhatên dawî yên cîbicîkirina yasaya bûdceya Iraqê ya sala 2023-2025an, dabînkirina mafên darayî yên Herêma Kurdistanê û danûstandinên di navbera Hewlêr û Bexdayê de tên gotûbêjkirin.
Rewşa elektrîk û benzînê li Herêma Kurdistanê mijareke din a civînê ye û di xala duyem ya civînê de jî tê gotûbêjkirin.
Di mijara sêyem û ya dawî de, projeya dayîna pereyan bi şêweyê elektronîk û projeya dayîna mûçe bi rêya hesabên bankê dê werin gotûbêjkirin.
Ev nûçe bi tevahî 953 kes dît.
Nûvekirina herî dawî: 13:29:10
Nûvekirina herî dawî: 13:29:10
