Esper: Hêzên Amerîkayê ji Sûriyê vedikişin û diçin rojavayê Iraqê
Wezîrê Berevaniyê yê Amerîkayê Mark Esper ragihand ku li gor wê plana danîne hêzên wan ji Sûriyê vedikişin, diçin rojavayê Iraqê û di rûbirûbûna DAIŞ û bermayên wê de berdewam dibin.
Roja Şemiyê Wezîrê Berevaniyê yê Amerîkayê Mark Esper Washington bicîh hişt û ber bi Rojhilata Navîn kete rê. Esper ji rojnamevanan re got, piştî vekişîna hêzên Amerîkayê ji Sûriyê, ew hêz li Iraqê tên bicîhkirin û derbarê vê mijarê de ligel Wezîrê Berevaniyê yê Iraqê axifî ye.
Hejmara wan serbazên Amerîkî ku biryar e bo Iraqê bên veguhestin zêdeyî 700 serbaz e, û 200-300 serbaz jî li Sûriyê dimînin.
Herçiqas berê Serokê Amerîkayê Donald Trump ragihandibû ku dem hatiye serbazên Amerîkayê vegerin welatê xwe, lê wiha diyar e plana îdareya Trump a di vê derbarê de hatibe guhertin û serbaz venegerin Amerîkayê.
Ev nûçe bi tevahî 1216 kes dît.
Nûvekirina herî dawî: 18:23:21
Nûvekirina herî dawî: 18:23:21
