Ji bo 4 bajarên Bakurê Kurdistanê hişyarî: Di roja cejna Qurbanê de egera lehiyê heye
Saziya Keşnasiyê ya Tirkiyê ragihand ku di Cejna Qurbanê de li piraniya bajarên Tirkiyê û Bakurê Kurdistanê dê baran bibare û li çend deveran jî egera lehiyê heye.
Saziya Keşnasiyê ya Tirkiyê îro 26ê Hezîrana 2023an di daxuyaniyekê de ragihand ku di Cejna Qurbanê de li piraniya herêmên Tirkiyê û Bakurê Kurdistanê baran dibare û bi taybetî bo 4 parêzgehên Bakurê Kurdistanê hişyarî hatiye dayîn.
Li gor daxuyaniya saziya navborî sibê û roja Çarşemê di roja yekemîn a Cejna Qurbanê de li parêzgehên Erzîngan, Erzerom, Qers û Erdexanê yên Bakurê Kurdistanê baraneke gur dibare û egera lehiyê heye.
Tê texmînkirin ku li parêzgehên Çanakkale, Kutahya, Bilecik, Sakarya, Kirklareli yên Tirkiyê jî baraneke zêde bibare.
Herwiha li Behra Reş pileya germê dê 2 heta 4 pileyan dakeve lê li herêmên din guhertinek berçav çênabe.
Ev nûçe bi tevahî 747 kes dît.
Nûvekirina herî dawî: 00:33:24
Nûvekirina herî dawî: 00:33:24
