Li Bedlîsê 19 kes hatin desteserkirin
Li navçeyên Xîzan û Tetwanê yên parêzgeha Bedlîsê ya Bakurê Kurdistanê, 19 kes hatin desteserkirin.
Li gorî Ajansa Mezopotamyayê, hêzên ewlehiyê yên Tirkiyeyê di çarçoveya lêpirsîna Serdozgeriya Komarê ya Bedlîsê de, îro serê sibehê li gundê Gulpikê yê Xîzanê û gundê Peyandasê yê Tetwanê bi ser gelek malan de girt û 19 kes desteser kirin.
Li gundê Gulpikê 15 kes û li gundê Peyandasê ji heman malbatê 4 kes hatin desteserkirin.
Sedema desteserkirina her 19 kesan heta niha nehatiye zanîn.
Hat zanîn ku derbarê dosyeyê de biryara nihênîbûnê hatiye wergirtin û dê “operasyon” berdewam bike.
Li Tirkiye û Bakurê Kurdistanê, hêzên ewlehiyê rojane bi ser malan de digirin û bi hinceta PKKyê xelkê sivîl, çalakvan û siyasetmedarên Kurd desteser dikin.
Ev nûçe bi tevahî 966 kes dît.
Nûvekirina herî dawî: 04:47:06
Nûvekirina herî dawî: 04:47:06
