Li Hesekê teqîn
Li bajarê Hesekê yê Rojavayê Kurdistanê teqînek çê bû, li gor agahiyên destpêkê, bi sedema teqînê ti zirar çê nebûne.
Li gor agahiyên ji Rojavayê Kurdistanê ve, êvara îro Yekşemê teqînek li bajarê Hesekê rû daye.
Li gor zanyariyan, teqîn bi rêya motorsîklêteke bombekirî û li nêzîkî Qada Sebax li derwazeya bakurê bajarê Hesekê çê bûye.
Di teqînê de ti zirarên canî çê nebûne.
Hêzên Asayişa Hesekê gihîştin cihê teqînê û dest bi lêkolînê kirine.
Heta niha ti aliyekî berpirsatiya teqînê li xwe negirtiye, herwiha Asayişa Rêveberiya Xweser jî hêj ti daxuyanî li ser bûyerê nedaye.
Di wan demên dawî de û piştî êrîşa Tirkiyê bo ser Rojavayê Kurdistanê, hejmarek teqîn li bajar û bajarokên Rojavayê Kurdistanê çê bûne, ku DAIŞê berpirsatiya wan teqînan li xwe girtiye.
Herî dawî li bajarê Qamişloyê 3 teqîn çê bibûn û di encamê de bi dehan kuştî û birîndar hebûn.
Ev nûçe bi tevahî 1143 kes dît.
Nûvekirina herî dawî: 18:03:40
Nûvekirina herî dawî: 18:03:40
