Li Hesekê teqîn: Kuştî û birîndar hene
Li bajarê Hesekê otomobîlek teqiya û di encamê de 3 kesan canê xwe ji dest da.
Li gorî agahiyan, li bajarê Hesekê yê Rojavayê Kurdistanê doh saet 23:00yan teqînek çêbû.
Hat zanîn ku otomobîlek li nêzîkî Dibistana Wehde Erebiyeyê ya li taxa Salihiyeyê teqiya.
Di encama teqînê de 3 kesan canê xwe ji dest da û kesekî din jî bi dijwarî birîndar bû.
Heta niha li ser teqînê ti daxuyaniyên fermî nehatine dayîn lê ji dîmenên ku belav bûne xuya dibe ku agir bi otomobîlê ketiye û hewla vemirandina agir tê dayîn.
Her wiha piştî teqînê balafirên Hevpeymaniya Navneteweyî ya li Dijî DAŞê (Koalîsyon) li asmanên Hesekê firiyan.
Ev nûçe bi tevahî 526 kes dît.
Nûvekirina herî dawî: 13:32:07
Nûvekirina herî dawî: 13:32:07
