Li Meletiyê xortek xeniqî
Li Meletiyê xortek ji bo ku hênik bibe ket golê lê tê de xeniqî.
Li navçeya Meletiya Kevin a parêzgeha Meletiyê ya Bakurê Kurdistanê xortekî 19 salî xeniqî.
Abdullah Çîçek (19) li Taxa Orduzuyê li nêzîkî Gelîncîktepeyê ji bo ku hênik bibe, ket golê û tê de winda bû.
Li ser agahdarkirina kesên derdorê ekîbên Lêgerîn û Rizgarkirina Binê Avê ya Îtfaiyeya Şaredariya Bajarê Mezin çûn cihê bûyerê.
Tîma rizgarkirinê piştî xebata ku 2 saet û nîvan ajot cesedê Abdullah Çîçek dît.
Hat zanîn ku Abdullah Çîçek li Gelîncîktepeyê di şantiyeyê de dixebitî.
Tîman, cesedê Abdullah Çîçek şand Saziya Tiba Edlî ya Meletiyê.
Ev nûçe bi tevahî 629 kes dît.
Nûvekirina herî dawî: 05:54:41
Nûvekirina herî dawî: 05:54:41
