Lîstikvanê Kurd Mêrxas Doskî di Lîga Çekyayê de gola herî zû avêt
Lîstikvanê Kurd ê tîma Slovácko, Mêrxas Doskî di Lîga Çekyayê de gola herî zû avêt ku piştî lîstikê dest pê kir di çirkeya 13an de golek avêt.
Di xula heftemîn a Lîga Çekyayê de tîmên Slovácko û Slavia Praha hatine hemberî hev. Piştî ku lîstikê dest pê kir di çirkeya 13an de Mêrxas Doskî yek ji golên herî zû yên cîhanê û gola herî zû ya xula heftemîn a Lîga Çekyayê avêt.
Di xuleka 70emîn de jî ji tîma Slavia Praha, Lucas Provod ji penaltiyê golek avêt.
Tîma Mêrxas, Slovácko niha bi 9 puanan di rêza heştemîn a tabloya lîgê de ye ku di vê werzê de 2 serkeftin, 3 wekhev û 2 şikestin ji heft lîstikan pêk anîn.
Mêrxas Xazî Doskî futbolîstekî Kurd ê ji Zaxoyê ye lê li Hannover a Almanyayê ji dayik bûye, ew li baskê çepê dilîze û ji 10 saliya xwe ve futbolê dilîze. Di tîmên wek Egstroff, Hesseler, MTV Eintracht Kale yên Almanyayê û Walker Innsbruck a Awusturyayê de lîstiye.
Lîstikvanê Kurd berî çend mehan di tîma Slovácko de dest pê kir û weke lîstikvanê sereke tê dîtin
Nûvekirina herî dawî: 16:41:50
