Nêçîrvan Barzanî li ser qezaya balafiran a li Amerîkayê peyamek belav kir
Serokê Herêma Kurdistanê sersaxî ji malbatên qurbaniyên qezaya balafiran a li Amerîkayê re xwest û got, “Ez ji dil xemgîn bûm.”
Li nêzîkî Balafirgeha Ronald Reaganê ya li nêzîkî Washingtona paytexta Amerîkayê balafirek û helîkoptereke leşkerî li hewayê li hev ketin û ketin çemekî.
Serokê Herêma Kurdistanê Nêçîrvan Barzanî li ser qezaya balafiran a li Amerîkayê peyamek belav kir.
Serokê Herêma Kurdistanê Nêçîrvan Barzanî got:
“Ez ji dil sersaxiyê ji malbat û hezkiriyên wan kesên ku di vê bûyera dilşewat de ziyan lê ketiye re dixwazim.”
Li gorî agahiyên dawî, di qezayê de 67 kes mirine û ev qezaya yekem a balafiran e ku di 20 salên dawî yên Amerîkayê de ew qasî ziyanên canî lê ketine.
Ev nûçe bi tevahî 773 kes dît.
Nûvekirina herî dawî: 08:32:10
Nûvekirina herî dawî: 08:32:10
