Rêya Mexmûr û Hewlêrê îro bi fermî vedibe
Hat ragihandin ku îro rêya sereke ya navçeya Mexmûr û Hewlêrê piştî 5 mehan bi fermî tê vekirin.
Li gor çavkaniyên herêmî ku dispêrên Fermandeyê Hêzên Pêşmerge yê Eniya Mexmûr-Gîwerê Sîrwan Barzanî, îro rêya navbera navçeya Mexmûr û Hewlêrê tê vekirin.
Fermandar Sîrwan Barzanî di axaftina xwe de ragihand ku bi berpirsên Iraqê re li ser vê mijarê civiyane û li hev kirine ku ev rê bê vekirin.
Barzanî di axaftina xwe de ragihand ku ji aliyê Hewlêrê ti pirsgirêkek li ser vekirina wê rêyê nemane û ew li benda bersiva Bexdayê ne û niha aliyên Iraqî ragihandine ku îro bi fermî ev rê tê vekirin. Piştî bûyerên 16ê Cotmehê rêya sereke ya navbera Hewlêr-Mexmûr û Hewlêr-Kerkûkê hatibû girtin.
Ev nûçe bi tevahî 1750 kes dît.
Nûvekirina herî dawî: 02:49:42
Nûvekirina herî dawî: 02:49:42
