YPG'ê li gel Moskowê hevdîtin pêk anîn
Hat ragihandin ku berpirsên Yekîneyên Parastina Gel (YPG) li paytexta Rûsyayê bajarê Moskowê bi rayedarên Rûsî re civînek lidarxistine.
Yek ji rayedarên Meclîsa Sûriyeya Demokratîk Rezan Hîddo ji Sputnikê re ragihand ku şandeyeke YPGê hefteya borî serdana Moskowê kiriye û mijarên têkoşîna li dijî terorîzmê û çareseriya siyasî gotûbêjkirine.
Li gorî medyaya Rûsyayê Rezan Hîddo gotiye: “Şandeke ku ji Rêveberiya Yekîneya Parastin a Gel li ser vexwendina rayedarên Rûsyayê serdana Moskowê kirin û hewldanên çareseriya krîza Sûriyeyê bi rayedarên rûsî re gotûbêj kirine.”
Di berdewamiya daxuyaniya xwe de Rezan Hîddo destnîşna dike ku mijara hevdîtinê li ser têkoşîna li dijî terorîzmê serkeftî bûye û di hema demê de jî wa girîngiya pêvajoya siyasî û xebatên hewldanên çareseriyê bi grîngî nirxandine.
Hîddi herwiha dibêje divê pêvajoya li Sûriyê bi operasyonên leşkerî dewam bike.
Nûvekirina herî dawî: 21:50:48
