Azerbaycan hişyariyê dide welatiyên xwe ku serdana Îranê nekin
Wezareta Derve ya Azerbaycanê hişyarî da welatiyên xwe ku serdana Îranê nekin.
Di daxuyaniyekê de Wezareta Derve ya Azerbaycanê êrîşa Çileya 2023an a li dijî Balyozxaneya Azerbaycanê ya li Tehranê bi bîr aniye û daxwaz kiriye ku welatiyên Azerbaycanê eger pêwîst nebe serdana Îranê nekin û ewên ku serdanê dikin jî baldar bin.
Herwiha di daxuyaniyê de ji welatiyên Azerbaycanê yên li Îranê hatiye xwestin ku pabendî rênimayên ewlehiyê bibin û di dema pêwîst de pêwendî bi Konsulxaneya Azerbaycanê ya li Tebrîzê bikin.
Roja 27ê Çileya 2023an de, êrîşî Balyozxaneya Azerbaycanê ya li Tehranê hat kirin û efserê asayîşa balyozxaneyê hatibû kuştin û du karmend jî birîndar bûbûn.
Azerbaycanê ew êrîş wek êrîşeke terorîstî bi nav kir û çalakiyên balyozaneya xwe ya li Tehranê rawestandin.
Rayedarên herdu welatan hevdû tometbar kirin û her yek ji wan çar dîplomatên hev wek kesên nexwestî ragihandin.
Nûvekirina herî dawî: 11:48:35
