Encûmena Wezîran pirsa bûdce û mûçeyan gotûbêj dike
Encûmena Wezîran a Herêma Kurdistanê îro bi serokatiya Serokwezîr Mesrûr Barzanî dicive û pirsa bûdce û mûçeyan gotûbêj dike.
Fermangeha Medya û Zanyariyan ragihand, îro Çarşemîê 20.09.2023an, Encûmena Wezîran bi serperiştiya Serokwezîr Mesrûr Barzanî û amadebûna Cîgirê Serokwezîr Qubad Talebanî dicive û tê de çend pirs tên gotûbêjkirin.
Di mijara yekem a civînê de, kurteyek li ser serdana şanda bilind a Hikûmeta Herêma Kurdistanê bi serokatiya Serokwezîrê Herêma Kurdistanê bo Bexdayê di 14.09.2023an de, li ser pirsa mûçe û bûdce û biryara Encûmena Iraqê, tê pêşkêşkirin.
Di mijareke din de, Wezareta Tendirustiyê mijara nexweşiya zikçûnê û kolerayê, pêşniyar û rêkarên ji bo dermankirin, pêşîgirtin û girtina tedbîrên pêwîst ji aliyê saziyên tenduristiyê û wezaretên pêwendîdar ve pêşkêş dike.
Ev nûçe bi tevahî 888 kes dît.
Nûvekirina herî dawî: 04:48:52
Nûvekirina herî dawî: 04:48:52
