Îran deverên sinorî yên Herêma Kurdistanê topbaran dike
Topxaneyên Supaya Pasdaran a Îranê deverên sinorî yên Herêma Kurdistanê topbaran dike.
Peyamêrê Rûdawê ragihand ku topxaneyên Supaya Pasdaran a Îranê sînorên nahiyeya Sîdekan a ser bi Soranê ve topbaran dikin û ji ber topbaranê agir derketiye.
Muxtarê Gundê Berbizîn yê bajarokê Sîdekan Mihemed Mecîd ji Rûdawê re da xuyakirin ku topxaneyên supaya pasdaran binara seqer, Sîngan û Gelî Spî û berde spî û telan li bajarokê sîdekan topbaran kirin.
Derbarê ziyanên canî û malî de Rêveberê Bajarokê Sîdekanê Îhsan Çelebî ji Rûdawê re ragihand ku , heta niha ziyanên canî nebûne, tenê ziyanên maddî hebûne.
Rûdawê bi rêya xelkê Şinoyê yê Rojhilatê Kurdistanê zaniye ku Supaya Pasdaran li navçeya Dole Meydan a Şinoyê topxane cîgir kirine û navçeyê topnaran dike.
Ev nûçe bi tevahî 725 kes dît.
Nûvekirina herî dawî: 03:36:44
Nûvekirina herî dawî: 03:36:44
