Komîsyona Parlamentoyê dê bi Dayikên Aştiyê û malbatên leşkeran re bicive
Komîsyona "Komîsyona Hevgirtina Neteweyî, Biratî û Demokrasiyê" ya Parlamentoya Tirkiyeyê, piştî civîna xwe ya sêyemîn a duh Sêşemê, biryar da ku di civîna xwe ya bê de, bi aliyên ku ziyan ji şer dîtine re rûne.
Li gorî medyaya Tirkiyeyê, komîsyonê biryar daye ku di civîna xwe ya çaremîn de, ku dê di 19 û 20ê Tebaxê de were lidarxistin, ligel beşek ji "Dayikên Aştiyê" yên ku zarokên wan "çûne çiyê" û malbatên wan leşkerên ku di şerê di navbera dewleta Tirkiyeyê û PKKê de canê xwe ji dest dane, rûne.
Herwiha, tê payîn ku Wezîra Malbat û Karûbarên Civakî ya Tirkiyeyê, Mahînûr Ozdemîr Goktaş jî beşdarî vê civînê bibe.
Armanca sereke ya karê vê komîsyonê, amadekirina zemîneke yasayî ye ji bo pêvajoya aştiyê. Komîsyon ji bo çaksazî û guhertina hin yasayan dixebite, bi taybetî jî ji bo dîtina çarçoveyeke yasayî ku rê li ber danîna çekan a PKKê veke.
Ev nûçe bi tevahî 27 kes dît.
Nûvekirina herî dawî: 19:33:59
Nûvekirina herî dawî: 19:33:59
