Li Dêrsimê kesek di Çemê Pulumurê de xeniqî
Li bajarê Dêrsimê yê Bakurê Kurdistanê kesekî 27 salî ji bo ku hênik bibe, ket çem û tê de xeniqî
Nûcegihan Rûdawê yê Dêrsimê ragihand ku 4 kesên heval ji bajarê Erzinganê ji bo gerê çûne Dêrsimê.
Li Geliyê Pulumurê 3 ji wan kesan ji bo hênik bibin ketin ava çem û li ber avê çûn.
Bi alîkariya welatiyên li herêmê, 2 ji wan ji çem hatin derxistin lê Servet Şenturkê xelkê Wanê ji ber çavan wenda bû.
Li ser agahdarkirinê ekîbên AFADê, tenduristî, îtfaiyeyê, endamên Komeleya Lêgerîn û Rizgarkirinê ya Munzurê û cendirme çûn cihê bûyerê.
Servet Şenturk ji avê hat derxistin û derket holê ku ew xeniqiye.
Cenazeyê Servet Şenturk ji bo otopsiyê birin Nexweşxaneya Dewletê ya Dêrsimê.
Ev nûçe bi tevahî 1058 kes dît.
Nûvekirina herî dawî: 19:20:19
Nûvekirina herî dawî: 19:20:19
