Li Hewlêrê ji bo piştevaniya Rojhilatê Kurdistanê xwepêşandan birêve çû
Çalakvanên mafên mirovan li bajarê Hewlêrê li ber Baregeha Neteweyên Yekbûyî kom bûn û piştevaniya xwe ji bo mafê rewa yê gelê Rojhilatê Kurdistanê nîşan dan.
Îro şemiyê 24ê Îlonê, bi sedan çalakvanên Başûr û Rojhilatê Kurdistanê li ber Baregeha Neteweyên Yekbûyî xwepêşandan kir.
Xwepêşandan ji bo pişgiriya mafê Kurdan bû, bi taybetî jinên Kurd ên li Rojhilatê Kurdistanê û yadaşteke nerazîbûnê jî radestî Neteweyên Yekbûyî hat kirin.
Kuştina Jîna Emînî ji aliyê polîsên Tehranê ve, karvedanên navxwe û navdewletî li pey xwe anîn.
Di asta navxwe de xelkê zêdetirî 100 bajar û bajarokên Îranê derketin kolanan û heta êvara înê (23ê Îlonê) berdewam bûn. Di xwepêşandanan de alozî derketin û televîzyona fermî ya Îranê ragihand ku heta niha 35 kesan canê xwe ji dest dane.
Ev nûçe bi tevahî 1261 kes dît.
Nûvekirina herî dawî: 13:43:03
Nûvekirina herî dawî: 13:43:03
