Li Wanê ji ber berfê dibistan asêbûn
Li bajarê Wanê yê Bakurê Kurdistanê ji ber barîna berfa zêde, dibistan ji bo rojekê hatin girtin.
Ji şevê din ve li bajarê Wanê yê Bakurê Kurdistanê berf bê navber dibare û ev yek jî bûye sedem, ku hatin û çûna nava bajêr û her wiha di navbera gundan de zehmet bibe. Li navenda bajêr 20 santîm berf bariye.
Waliyê Wanê ragihand, ku ji ber barîna berfa zêde, li navçeyên Tûşba, Edremît û Îpekyolu yên navendê, dibistan ji bo rojekê hatine girtin.
Ji aliyekî din ve rêkên bi dehan gundên wî bajarî jî hatine girtin û piraniya otomobîlên xelkê jî di bin berfê de mane.
Her wiha tîmên şaredariyê yên paqijkirina rêkan jî ketine liv û tevgerê da ku wan rêkên ku hatine girtin vebikin.
Ev nûçe bi tevahî 1702 kes dît.
Nûvekirina herî dawî: 15:19:40
Nûvekirina herî dawî: 15:19:40
