Mêrdîn: Hevjîna xwe ya dêya 4 zarokan kuşt, hewl da xwe jî bikuje
Li navçeya Qoserê ya parêzgeha Mêrdînê ya Bakurê Kurdistanê kesekî bi çekê hevjîna xwe kuşt, piştre hewl da xwe jî bikuje.
Bûyerê şevê din li taxa Koçhîsarê ya navçeya Qoserê rû da.
Li gorî agahiyan, di navbera hevjînên bi navên O.D. (42) û S.D. (36) de ji ber sedemeke nediyar nîqaş derket.
Piştî demekê jî O.D. û S.D. pev çûn.
O.D. gule li hevjîna xwe barandin û ew bi giranî birîndar.
Piştre jî hewl da bi heman çekê dawiyê li jiyana xwe bîne û bixwe jî birîndar bû.
Li ser agahdarkirinê tîmên tenduristiyê çûn cihê bûyerê û her du hevjîn rakirin Nexweşxaneya Dewletê ya Qoserê.
Jina 36 salî ku dayika 4 zarokan bû li nexweşxaneyê canê xwe ji dest da.
Hat ragihandin ku rewşa tendirustiyê ya hevjînê wê jî ne baş e û li beşa nexweşiyên giran tê dermankirin.
Ev nûçe bi tevahî 918 kes dît.
Nûvekirina herî dawî: 04:42:17
Nûvekirina herî dawî: 04:42:17
