Mesrûr Barzanî û Recep Tayyîp Erdogan di civînê de ne
Serokwezîrê Herêma Kurdistanê Mesrûr Barzanî li Enqerê bi Serokomarê Tirkiyê Recep Tayyip Erdogan re civiya.
Serokwezîrê Herêma Kurdistanê Mesrûr Barzanî îro Sêşemê bi serdaneke fermî gihîşt Enqerê û bi Wezîrê Derve yê Tirkiyê Hakan Fîdan re civiya û niha jî ligel Serokomarê Tirkiyê di civînê de ye.
Li gorî daxuyaniya Hikûmeta Herêma Kurdistanê, di civînan de, pêşxistina pêwendiyên di navbera Herêma Kurdistanê û Tirkiyê de û pêşhatên dawî yên Iraq û navçeyê dê werin gotûbêjkirin.
Derbarê civîna bi Wezîrê Derve yê Tirkiyê de, peyamnêrê K24ê li Enqerê Azad Altun da zanîn, Serokwezîrê Herêma Kurdistanê û Wezîrê Derve yê Tirkiyê li ser sê mijarên sereke gotûbêjan kirin, ew jî: Pêşxistina pêwendiyên di navbera Herêma Kurdistanê û Tirkiyê de, pirsên aborî û tevgera bazirganî di navbera her du aliyan de û pêşhatên siyasî yên Iraqê û rewşa siyasî ya herêmê bi giştî.
Nûvekirina herî dawî: 02:00:17
