Nêçîrvan Barzanî li ser kuştina Xamineyî peyamek belav kir

Serokê Herêma Kurdistanê Nêçîrvan Barzanî li ser kuştina Rêberê Olî yê Îranê Elî Xamineyî peyameke sersaxiyê belav kir.

Nêçîrvan Barzanî di peyama xwe de got:

"Ji ber şehîdketina xwedêjêrazî Ayetulah Elî Xamaneyî, Rêberê Bilind ê Komara Îslamî ya Îranê û zanyarê olî yê navdar, em ji gel, hikûmet û serkirdayetiya Îranê re sersaxiyeke kûr dixwazin. Em hevsoz û hevxemên wan in."

Banga li civaka navneteweyî

Serokê Herêma Kurdistanê her wiha destnîşan kir, "Di vê dema dijwar de, em tekezî li ser girîngiya parastina aramî û aştî û çareserkirina pirsgirêkan a bi awayekî aştiyane dikin."

Nêçîrvan Barzanî bangî civaka navneteweyî jî kir û got:

"Bila civaka navneteweyî ji bo rawestandina şer û pevçûnan û vegerandina aramiyê ya li herêmê, erkê xwe bi cih bîne."

Peyama Nêçîrvan Barzanî

Peyma Serokê Herêma Kurdistanê Nêçîrvan Barzanî bi vî rengî ye:

"Ji ber şehîdketina xwedêjêrazî Ayetulah Elî Xamaneyî, Rêberê Bilind ê Komara Îslamî ya Îranê û zanyarê olî yê navdar, em ji gel, hikûmet û serkirdayetiya Îranê re sersaxiyeke kûr dixwazin. Em hevsoz û hevxemên wan in.

Em ji Xwedayê mezin dixwazin ku giyanê wî bi rehm û dilovaniya xwe şa bike û aramî û sebirê bide hemûyan.

Di vê dema dijwar de, em tekezî li ser girîngiya parastina aramî û seqamgîriyê û çareserkirina pirsgirêkan a bi awayekî aştiyane dikin.

Ji bo vê mebestê, em bangî civaka navneteweyî dikin ku ji bo rawestandina şer û pevçûnan û vegerandina aramiya li herêmê, erkê xwe bi cih bîne."