Riha: 4 kes ji ber tundûtûjiya li hemberî bijîşkan hatin desteserkirin
Li parêzgeha Rihayê ya Bakurê Kurdistanê 4 kes bi îdiaya ku li nexweşxaneyekê êrişî 3 bijîşkan kir hatin desteserkirin.
Li gorî zanyariyan, li Nexweşxaneya Mehmet Akîf Înan a Rihayê di navbera hejmarek kesûkarên nexweşekê û çend bijîşkan de nîqaş derket
Piştî demekê ji nîqaşê pevçûnê dest pê kir û kesûkarên nexweş êrişî 3 bijîşkan kir û li wan da.
Polîsên nexweşxaneyê ketin navberê û pevçûn bi dawî bû.
4 kesên ku êrişî bijîşkan kirî hatin destserkirin.
Parêzgarê Rihayê Hasan Şildak li ser hesabê xwe Xê derbarê mijarê de daxuyaniyek belav kir û got:
"Em êrişa li hemberî bijîşkên me yên li Nexweşxaneya Mehmet Akîf Înan bi tundî şermezar dikin û silametiyê bo wan dixwazin.
Gumanbar hatine destserkirin û derbarê wan de karûbarên yasayî hatine destpêkirin. Ez bûyerê ji nêzîk ve dişopînim.”
Ev nûçe bi tevahî 630 kes dît.
Nûvekirina herî dawî: 07:56:49
Nûvekirina herî dawî: 07:56:49
