Serok Barzanî pêşwazî li şandeke nivîskar, akademisyen û rewşenbîrên Rojhilatê Kurdistanê kir

Di hevdîtinê de, Serok Barzanî bi germî bixêrhatina şanda nêvan kir û destxweşî li berpirsê Enstîtuya Ferhenga Kurdistanê li Tehranê Baram Weledebegî û tevahiya kesên di projeya dokomêntariya şoreşên Barzan de rola wan hebûne û pirtûk amade kirine. Her wiha destxweşî li Zanîngeha Selahedîn û ew kes û aliyên ku merasîma nasandina projeyê birêve birine kir û hêviya serkeftina zêdetir ji bo wê projeyê xwast.

Serok Barzanî rola rewşenbîr, akademisyen û nivîskaran di nasandin doza rewa ya gelê me û girêdana pireya pêwendiyê di navbera gelên herêmê de bilind nirxand û pêşxistina xebatên ferhengê weke beşek ji têkoşîna neteweya me pênase kir û dawaza kir ku êdî rê neyê dayîn ku dîroka gelê Kurdistanê bê reşkirin û bi em xwe bi piştbestin bi belge û zanyariyên dirust û bawerpêkirî kar li ser nasandina dîrokê bikin.

Şanda mêvan ji bilî derbirîna xweşhaliya xwe bi wê hevdîtinê, spasî û pêzanîna xwe pêşkêşî Serok Barzanî kirin û amaje bi pêgeha cenabê wî di nava Kurdên beşên din ên Kurdistanê de kirin ku ji bilî pêgeha wî ya siyasî, wek omêd û hêviya rizgarî, pêgeheke wî ya mamewî ya bilind di nava Kurdan de heye û li nava pêkhateyên netewî yên din ên Îranê de jî cihê rêz û qedrê ye.

Di dawiya hevdîtinê de, şanda mêvan hejmareke mezin ji pirtûk û berhemên xwe yên çapkirî pêşkêş Serok Barzanî kirin.