Şirketa navdar a turîzmê: Kurdistan ceneta ser rûyê erdê ye
Şirketa navdar a turîzmê Lupine Travel di daxuyaniya xwe de ragihand ku wê di 14 û 21ê Cotmehê de tureke turîzmê li Kurdistanê li dar bixin.
Şirketa Lupine Travel di malpera xwe ya înternetê de ji bo Kurdistana ku di nava 35 welatên turê de cih digire got: "Ji Şerê Iraqê ya sala 2003an pê ve li başûrê Iraqê kaos û xwîn dirije, lê Kurdistan bi ekonomî û bi turîzma xwe pêşveçûneke pir mezin bi dest xist. Digel hebûna pirsgirêkên li Iraq û Sûriyeyê jî Kurdistan ji bo geştiyarê hê jî biewle ye."
Malpera şirketê derheqê bajarên Hewlêr û Silêmaniyê de agahî dane şopînerên xwe û ragihand ku Kurdistan bi berhemên xwe yên dîrokî û bi xwezaya xwe delal di nava welatê ku mirov dikare serdana wê bike de ye.
Malperê di danasîna Kurdistanê de got: "Kurdistan di nava welatên Rojhilata Navîn de bi zixur, çiya, avrejgeh û bi rûbarên xwe ceneta ser rûyê erdê ye. Kurdistan di lîteratura Rojhilata Navîn de ‘wek ceneta ser rûyê erdê' tê binavkirin."
Nûvekirina herî dawî: 16:03:38
