Mirwet!

Carnan di dîrokê de rûreşîya mirovan derdikeve ber wan û carek din li henber civata xwe rûreş dibin.

Yek ji van Şivan Perwer e. Di şevek sîyasî de apoyîyan girt ser dika ku Şivan bi muzîsyenên xwe re li ser bûn û stran diafirandin. Apoyîyan, bi pên û daran êrîşî Şivan Perwer kirin û tembûra wî di serê wî de perçe perçe kirin! Ji wê şevê şûnde Şivan, tehdît û tecrît kirin. Ji tirsa, Şivan ne dikarî derkeve şevan û konseran.

Bi lingê xwe çû xwe avêt bextê başûrê Kurdistanê. Li wir têra xwe kurtêlxurî kir! Dema kurtêl hindik man, dîsa vegerîya nav refên apoyîyan.

 Piştî demekê Şivan çû ber lingê apoyîyan û xwe kir xulamê ber lingê “Şêrê Îmralî” (ev gotina Şivan e)(!) Apoyîyan, bi şertê ku carek din bîad bike, ew efû kirin. Şivan carek din bû hevalbendê wê rêxistina ku tûû wî kirin, lêdan û tembûra wî di nav serê wî de şikenandin.

Ev helwesta Şivan, di nav kurdan de qalîteya şivan kir du pere. Kesê ku hunermendîyê bike û koletî ya îdeolojîyên tundrew bike, hevûdû nagire. Divê qalîteya helwestek hunerî li cem hebe. Mixabin Şivan di vir de di bêqalîte derket ber hezkirîyên xwe û wenda kir.

Leyla Zana jî di nav refên PKK de xwedî dîrokekê bû. Jina hêjayekî dîrokî yê xeta kurdistanî bû. Ya Leyla jî kir “Leyla” ev bû.

Pêşî Apayîyan kir ku Leyla dev ji mêrê xwe ber de. Di navbera Leyla û Ayoyîyan de hinek pirsgirêk derketin. Leyla, bi şêwirmendên xwe re xwest ku here tewafa Îmralî û rêberê xwe tewaf bike, van pirsgirêkan bi A. Ocalan re bipeyive. Abdullah Ocalan bi Perwîn Buldan, Sirri Sureya Onder û Hakan Fidan (Wê wextê serokê İstîhbarata tirkan bû) re xeber ji Leyla re şand û got:

“Ji Leyla re bêjin, bi Ocalan re hevdîtin karekî cidî ye...Em tevgerek siyasî ne. Bi sîyasetê re lîstik nabe. Yên ku bi sîyasetê re bilîzin, bi canê xwe bedelê didin. Min ji Hakan Fidan re jî gotibû. Encax bi Sirri Sureya Onder re dikare were...”

Piştî vê, Leyla 7 salan di mala dîya xwe de girtî ma. Nikarîbû devê xwe jî veke. Leyla ji terefê wanên ku digotin “bijî serok apo” de hatibû jibîr kirin. Piştî hepsa 7 salan, van rojan Leyla Zana jî carek din boyax kirin û wek ku tiştek nebûye derxistin ser dika Newroza Dîyanbekirê, ber girseya kurdan.

Pêşî bi hevpeyvînekê Leyla bîadî Apoyîyan kir û got; “yê ku pirsgirêka kurdan çareser bike, Abdullah Ocalan e. Muhatab Ocalan e.”

Piştî vê daxuyanîyê Leyla derxistin Newroza 2024 an û Leyla bû Apoyîyekî ku ji terefê Abdullah Ocalan de bi kujtinê nehatibû tehdît kirin! Li ser dika Newroz a Dîyarbekirê, wek bilbil şîqîya û got; “yê ku rê ji me re vekir, yê ku dîrok nivîsî û me derxist ronayîyê serok Apo ye..Bijî serok Apo, bijî rêber Apo”(!)

Leyla Zana, jinek ku ji derve ve dîploma serete girtîye. Derîyê dibistanan re derbas nebûye. Lê bi milîyonan Kurd bi dû Leyla de xuya dikin. Roja ku Leyla Zana ji terefê Apo de bi kujtinê hat tehdît kirin, yek kes li dora wê nema. 7 salan di mala dîya xwe de girtîyê PKK û Ocalan bû. Lê îro Leyla jî efûya xwe ji Abdullah Ocalan xwest û bîad kir.

Gelo hêza ku zeîfan, cahilan ewqes dike xwedî hêz û beşek ji girseya Kurd dide dû çi hêze? Heger ne dewleta tirkan bixwe be, kî ne?