Li Mêrdînê şerê sê malbatan : 1 mirî û 11 birîndar
Li navçeya Qosêrê ya ser bi parêzgeha Mêrdînê ya Bakurê Kurdistanê di encama şerê bi çek, dar û keviran ê di navbera 3 malbatan de kesekî canê xwe ji dest da û 11 kes jî birîndar bûn.
Hat ragihandin ku roja Sêşemê 6ê Kanûna 2022an li ber deriyê dadgeha Qoserê di navbera 3 malbatan de ji ber pirsgirêka erdê zozanan, şer derket.
Di şer de endamên her 3 malbatan, bi çek dar û keviran êrîşî hev kirin û 12 kes birîndar bûn.
Li ser agahdarkirinê tîmên tendirustî çûn cihê bûyerê û birîndar rakirin nexweşxaneyê. Lê ji birîndaran welatiyê bi nave Yusuf Yuksel (50) ku muxtarê gundê Merşo yê girêdayî Qoserê bû, tevî hewldanên pizîşkî li Nexweşxaneya Perwerde û Lêkolînan a Mêrdînê canê xwe ji dest da.
Peyamnêrê me herwiha da zanîn ku rewşa birîndar baş e.
Piştî şer hêzên ewlekariyê derbarê bûyerê de lêkolîn dan destpêkirin û 7 kes hatin destserkirin.
Ev nûçe bi tevahî 550 kes dît.
Nûvekirina herî dawî: 18:47:43
Nûvekirina herî dawî: 18:47:43
