Li Rojavayê şewata zeviyên.. 9 kesan jiyana xwe ji dest dan

Li gor çavkaniyên xwecihî ji navçeyê, di nav kesên ku jiyana xwe ji dest dane de 2 endamên Senadîd ku beşek e ji Hêzên Sûriya Demokratîk (HSD) û endamekî Asayişê û jinek hene.

Herwiha 17 kesên din jî ku hewl dabûn agir vemirînin birîndar bûne û birînên hinekan ji wan giran in.

Li gundê Alaqosê yê devera Aliyan jî agir ketibû zeviyan û di encamê de 30 donim zevî şewitîbûn.

Ji destpêka mewsîma dirûna dexlûdanan ve, bi deh hezarên hektaran zeviyên cotyarên Rojavayê Kurdistanê şewitîne.