Fallon: Me 7 hezar pêşmerge perwerde kirine
Wezîrê Bergiriyê yê Birîtanyayê Michael Fallon ragehand ku, welatê wî 7 hezar Pêşmergeyên Kurdistanê perwerde kirine, da zanîn ku, welatê wî dê li ser piştgiriya wan berdewambe.
Di kongireyeke rojnamevanî de li bajarê Hewlêrê paytexta Herêma Kurdistanê Wezîrê Bergiriyê yê Birîtanyayê Michael Fallon ragehand ku, welatê wî dê li ser alîkarî û piştevaniya Pêşmergeyan berdewam be, tekez kir ku, pêşmerge hêza herî mêrxase di şerê li dijî DAIŞê de.
Fallon da zanîn ku, welatê wî 7 hezar pêşmergeyên Kurdistanê perwerde kirine, herwiha alîkarî jî pêşkêşî wan kirine.
Wezîrê Bergiriyê yê Birîtanyayê kêfxweşiya xwe derbarê rizgarkirina rojhelatê Mûsilê de anî ziman û aşkere kir ku, welatê wî 30 milyon dolar bo avakirina navçeyên rizgarkirî li Mûsilê terxan kirine.
Duh êvarî Wezîrê Bergiriyê yê Birîtanyayê Michael Fallon giheştibû firokxaneya Hewlêrê û ji aliyê Wezîrê Navxwe û Pêşmerge bi wekalet Kerîm Sincarî û hejmareke berpirên Hikumeta Herêma Kurdistanê ve hate pêşwazî kirin.
Nûvekirina herî dawî: 09:03:09
