Yek ji wan kesayetiyên siyasî ku peyama pîrozbahiyê ji Serokwezîr Mesrûr Barzanî re şandiye, Serokwezîrê Iraqê Mihemed Şiya Sûdanî ye û di peyama xwe de nivîsiye: “Bi boneya Cejna Newrozê, pîrozbahiyê li we û gelê Kurd ê xweşewîst pîroz dikim, hêviya aramî û aşitiyê ji bo gel û welatê me dixwazin.”
Serokomarê Iraqê Letîf Reşîd jî bi boneya cejna Newrozê peyameke pîrozbayî arasteyî Serokwezîrê Herêma Kurdistanê kir û tê de got: “Germtirîn û xweştirîn pîrozbahiyên xwe arasteyî we dikim û hêvîdar im ev cejn bibe sedema bextewerî û xweşguzarî bo her kesî û pêşketin û bexteweriya zêdetir ji bo gelê me.”
Ji aliyê xwe ve Serokê Hevpeymaniya Niştimanî Iyad Elawî bi boneya hatina cejna Newrozê pîrozbahî li Mesrûr Barzanî kir û nivîsî: “Hêvîdar im Newroza îsal bibe destpêka bihêzkirina biratî û pêkvejiyana aştiyane ya gelên Iraqê.”
Patrîyerkê Dêra Rojhilat a Aşûriyan li Cîhanê Mar Awa yê III di peyamekê de ji Serokwezîrê Herêma Kurdistanê Mesrûr Barzanî re nivîsî: Cejna Netewî ya Kurd û Sersala Kurdî (2723) bi derfet dizanim ku germtirîn pîrozbahiyên xwe arasteyî we û gelê Kurd bikim.”
Her wiha got: “Di demeke kin de min pêşkeftinên mezin dît ku di heyama desthilatdariya Mesrûr Barzanî de di warê ewlehî, aborî, azadiya derbirînê, mafên jinan û handana ciwanan bo pişt bi xwe bibestin û hêza xwe nîşan bidin dirust bûne, ji ber vê yekê ez gelek bi paşeroja Herêma Kurdistanê geşbîn im.
