Amerîka dizane ku di demek nêzîk de dewleta Kurdistanê tê avakirin...

Peter Galbraith di hevdîtinekê de ligel rojnameya “Haber Turk” dibêje: “Amerîka ne li dijî referandûmê ye, tenê ne bi dema wê re bû. Yek ji berpirên rêveberiya Trump, serok razîkiribû ku bibêje niha referandûm ne guncaw e, lê ti rojekê rêveberiya Serok Trump ne li dijî referandûmê bû, tê têbîniya wê li ser dema birêvebirina referandûmê hebû.”

Peter Galbraith, ku Haber Turk ew wek şêwirmendê Serokê Herêma Kurdistanê Mesûd Barzanî bi nav dike dibêje: “Herêma Kurdistanê ji ber referandûma 25ê Îlonê serxwebûna xwe radigihîne, qonaxa dahatû wek qonaxeke veguhêz e.”

Herwiha got: “Di baweriya min de, Amerîka dizane di demeke nêzîk de dewleta Kurdistanê tê damezrandin. Em hemû wê rastiyê dibînin ku digihe armancên xwe. Lê li gor min seyr e ku Amerîka heta niha bi fermî nenasandiye.”

Derbarê destêwerdana leşkerî ya Iraqî ji bo rêgiriya li serxwebûna Kurdistanê de, Peter Galbraith dibêje: “Iraq ne ew hêza leşkerî ye ku karibe wî karî bike. Hatina DAIŞê di sala 2014an de mînakeke berçav e ji bo lawaziya Iraqê ya leşkerî.”

Herwiha dibêje: “Tirkiye jî ne ew welat e ku karibe destêwerdanê di welatên din de bike, operasyona Mertala Ferêt jî operasyoneke sînordar bû.”