Îranê 7 welatîyên Kurd di nava heftîyekê da bidar vekir

Senterê Demokratîk yê mafê mirovî li Hurdistanê ku navenda wê li Almanyaye, di beyanekê da aşkere kirîye, komara îslamîya Îranê di heftîyekê da, 7 welatîyên rojhilata Kurdistanê, di zîndanên KLirmanşah û Urmîyê bidarve kirine, bê ku tometên wan bên dîyar kirin.

Di beyanê da navên wan Kurdên rojhilat hatîye ku hukmê bidar vekirinê li ser hatîye dan, yek ji wan Kyomrit Freydane ku li Îlona sala borî, Îranê bavê wî jî bidarve kiribû û dayîka wî jî bi zîndana heta hetayî li Urmîyê hukim kirîye.

Rêxistina mafên mirov li Îranê pêştir ragîhandibû, desthilatdarên Îranê di her neh saetan da kesekî bidarve dikin, rexne jî li bêdengîya civaka Navdewletî girtibû.

Komara îslamîya Îranê di rêza yekê ya wan welatan tê ku hukmê bidarvekirinê lê heye, piranîya kesên li wî welatî jî tên bidarvekirin Kurdin.