Serokwezîr: Divê li hember terorê tedbîrên berfireh werin girtin

Serokwezîr Barzanî di peyama xwe de got; “Em, her du êrîşên terorîstî yên li ser dêrên li bajarên Tenta û Îskendiyeya Misirê bi tundî şermzar dikin û hevsozî û hevxemiya xwe ligel malbat û kesûkarên qurbaniyan, gel û hikûmeta Misirê re parve dikin.”

Nêçîrvan Barzanî diyar kir, ku gelê Kurdistanê li ser destê terorîstan gelek êş û jan dîtine û bi başî ji êş û janên malbatên qurbaniyan, gel û hikûmeta Misirê têdigehe û piştgirî û hevsoziya xwe bi wan re dubare dike.

Serokwezîr got; “Li deverên cuda yên cîhanî bi berdewamî zêdebûna kiryarên terorîstî, nîşaneyek e xeter û lêdana zengila hişiyarkirinê ye, ku divê tedbîrên berfirehtir û şaxlemtir li hemberî teror û terorîstan were werbigirin. Ji bo vê jî divê zêdetir civaka navdewletî hevkarî û hevahengiyê bike.”

Hêjayê gotinê ye, ku duh li bajarê Tenta û Îskenderiye ya Misirê li hember du dêrên krîstiyanan êrîş pêk hatin û di encamê de 32 kesan jiyana xwe ji dest dan û herî kêm 110 kes jî birîndar bûn.

Rêxistina DAIŞê berpirsiyariya herdu êrîşan jî lixwe girt.