DAIŞê li nêzîkî Tikrîtê êrişî Heşda Şeibî kir
Çekdarên DAIŞê li başûrê bajarê Tikrît yê Iraqê êrişî hêzên Iraqî û Heşda Şeibî kirin û herî kêm 5 serbaz û milîs kuştin.
Çavkaniyekî ewlehiyê li parêzgeha Selahedîn ya Iraqê ragihandiye, duhî bi şev çekdarên DAIŞê li devera Mikêşîfiye li başûrê bajarê Tikrît (navenda parêzgeha Selahedîn) êrişî hêzên Iraqî û Heşda Şeibî kirin.
Li gorî agahiyan, di wê êrişê de herî kêm 5 serbazên Iraqî û çekdarên Heşda Şeibî hatin kuştin, komek jî birîndar bûn.
