Tirkiyê eşkere ji Amerîka dixwaze ku dest ji YPG û HSD berde, lê Amerîka jî dibêje nexêr, ew hevpeymanên wan ên sereke ne di şerê li dijî DAIŞê de û nêzîkî wan nebe. Vê yekî jî wiha kiriye her du alî gotinên nexweş jî ji hev re bêjin.
Wezîrê Derve yê Amerîkayê Mevlut Çavuşoglu got: “Di hemû civîn û daxuyaniyekê de berdevk dibêje Tirkiye hevpeymaneke pêwîst e û hevpeymanê NATO ye jî. Lê ya rast hemû caran ne wiha ye. Bi taybetî di warê hevkarîkirina PKK û YPGê de li Sûriyê. Cudahiyên me hene û heta wek îro me nikariye bi ser wan de zal bibin.”
Di çend salên borî de Amerîka û Tirkiye li ser çendîn mijaran peywendiyên wan aloz bûne; ji wan hevkarîkirina HSDê ji aliyê Washingtonê ve ku Tirkiye wek şaxekî PKKê dibîne. Operasyona serbazî bo ser Rojavayê Kurdistanê û bakurê Sûriyê. Hewldanên Tirkiyê bo asayîkirina peywendiyên ligel Sûriyê. Herwiha kirîna firokeyên F-16 ji aliyê Tirkiyê ve ku îdareya Biden razî bûye lê Kongres li dijî ye. Herwiha mijara endambûna Swêd û Finlandê ya NATOyê. Firotina firokeyên F-35 bo Yunanê. Kirîna Sîstema Berevaniyê ya S-400 a Rûsî.
Wezîrê Derve yê Amerîkayê li beramber Çavuşoglu nakokiyên navbera Enqere û Washingtonê veneşartin.
Wezîrê Derve yê Amerîkayê Antony Blinken jî got: “Em hevbeş û hevpeymanên nêzîk in, lê ev nayê wê wateyê ku nakokiyên me nînin. Lê di demekê de ku nakokiyên me hene, diyarkirî jî ji ber wêya hevbeş û hevpeymanê hev in, bi wî rihî çareser dikin.”
Sala borî îdareya Biden planek amade kir daku Tirkiyê razî bike endambûna Swêd û Finlandê ya NATOyê bipejrîne û ew jî 40 firokeyên F-16 bifroşe Enqerê, lê biryara dawî li cem Kongresê ye û heta niha jî ne xuya ye ka Kongres wê daxwaza Tirkiyê qebûl dike, bi taybetî ku Serokê Komîteya Peywendiyên Derve ya Encûmena Pîran a Amerîkayê Bob Menendez gelekî dijî wê fikrê ye.
