Kongreya HDP û Kurd

Ez bi dil û can pîrozbahiya Sazai yê tirk û Perwîna ereb dikim ku bi hevserokatiya wan hdp û yên dengê xwe didanê û wê hê jî bidinê,bêtir, xweştir hat zanîn. HDP berê çi bû niha jî ew e. Mesele ne serokatî û hevserokatä ye. Mesele bingeha pkk li hember kurdan hatiye perwerdekirin e. Ji bona kurd bi sernekevin çi ji wan tê wê dikin û wê hê jî bikin. Lê hin kurd vê fêm nakin û hin jî nayê hesabê wan ku vê fêm bikin.

Weha xuya ye ku Kurd nemane da ku kesekî/ê bikaribe hevserokatiya vê partiyê bikin. Bi ser vê de jî dibînim û tê dîtin ku ev ne di xema hin kurdan de ye. Heta pesnê vê jî didin. Yên pesin jî didin pkk yiyên şermok in. Çi dema Xelkek ji xwe dûr ket, ew êdî zehmet e bibe milet. Ev zedeyî 40 salan e ku pkk bingeha xwe endam û hevalbendên xwe li ser vê perwerde dikin û kirine.

Ji ber vê ye ku êdî ne xema pkk û hemî partiyên bi vê girêdayî ye ku kurd û kurdistan e. Ji bona wan bratiya gelan, ango koletîya kurdan girîng e. Li ser vî asasî wê projeya ji bona wan hatiye nivîsîn dixin jiyanê.

Dema serokê miletekî bû dijminê wî, gelo ew milet dê bikaribe ji bona xwe çi bike? Nikar tiştekî bike, ji ber hin kurd bûne weke filehên berê wan bi qublê ve be. Ne ji wî dînî bawer dikin û ne jî dikarin berê xwe biguherin. Niha li kurdan jî weha hatiye. Gelek êdî bawer nakin ku hdp partiyeke kurdan e û ji bona kurdan kar dike û ne dikare dev jê jî berde. Helbet vana hemî projene û ev projeyên têkbirina mafê kurdan ji roja pkk hatiye damezrandin û heta niha her berdewam e.

Ji zimên de destpêkirin û li bakur kurdistanê êdî zimanê kurdî di sikratê de ye ango li ber mirinê ye. Lê ev êdî bala partî û rêxistinên me yên ji xwe re dibêjin em kurd û Kurdistanî ne jî nakşîne. Ji ber ku ew niha bi civîn û komcivînên xwe û belavkirina wêneyên xwe mijûl in.

Tu dibîne û tê dîtin ku pkk û hevalbendên xwe li gor aqilmendên xwe yên tirk di vê projeya xwe de bi serketine. Ziman têk birin. Tirkbûn bi kurdan şêrîn kirine. Serdestiya tirkan li ser kurdan ferz kirine. Ev jî bala partî û rêxistinên me nakşîne. Ji ber ku ew li hemberî hev xurt û bi belavkirina çalakiyên xwerinên xwe zîrek in.

Dema partî û rêxistinên ji xwe re dibêjin em kurd û kurdistanî ne, li hemver van bûyer û kiryarana bêdeng bin, wê êdî ji bona miletê me ê bindest ango kurd divê her serdestiya tirkan ya li ser wan berdewam bike...

Munaşeke û gengeşiyên li ser rewşa hdp bê mane ne, kes êdî kesan guhdarî nakin. Her kesê li gor bratiya gelan ku bi xelkê me xweş kirine, tevdigere. Loma ji dêlva vê, pêwîst e partiyên me ji bona hevkariyeke xurt bi hevre gengeşiyê bike dê baştir be. Ne ku do brabûn îro bûne dijminê hev. Ev zerarê dide tevaya tevgera kurdan.

Weke gelek ji we jî dizanin ku ev zêdeyî 40 salan pkk her carekê miletê kurd bi tiştekî mijûl dike da ku doza gelê xwe, mafê welatê xwe ji bîr bikin. Bi rastî di vê projeya xwe de jî ji ber bê dengiya partiyên din bi ser ketî ye.

Ji bona mirov projeyên pkk yên li dij berjewendiya gelê me ne, derxe holê, divê hêz û qaweteke xurt hebe ku bikariba wan projeyên qirêj eşkere bike. Ji ber ku hêzeke weha li bakurê kurdistanê tune ye loma jî roj bi roj wan projeyên ji bona têkbirina berjewendiyên gelê me bi destê pkk têne bi cihkirin.

Li hember projeyên pkk yên ji bona berjwendiya gel têk bibin, kar û xebateke cidî bi rêxistinên neteweyî, yek hêzî û bi dilsozî kar bike heye. Li mixabin heta niha tu rêxistin ango partiyeke weha li bakurê Kurdistanê peyde nebûye. Hebin jî bi tena serê xwe nikarin li hember hêza pkk rawestin.

Lê weha xuya ye ev îro li bakurê kurdistanê zehmet e ku pêk were. Ji ber ku piraniya rêxistin an partiyên me yên niha ku li bakurê kurdistanê hene, her yek ji wan çend parçe ne diyar e. Kî çi dikin ew jî tê zanîn. Medyak wanî xurt û tu karên wan î hevbeş jî tune ye.

Hin îstîsna ne têde lê heta niha min tenê xebata partiyên heyî, bi civîn û komcivînên xwe mijûl, ji hevdu ne razî û nikarin tehamulî hev bikin, dîtine û hene. Xebat, ked û perên wan hemî li wan civîn û komcînên wan dihare loma wextê nabînin ku ji bona gelê xwe jî kar bikin.

Divê em hemî kêmanî û xerabiyan nexin hustiyê pkk. Heger hêzek xurt û neteweyî xwedî ragihandineke mezin heba, wê îro rewşa bakurê kurdistanê ne ev ba. Lê ev jî bala partî û rêxistinên heyî nekşîne, ji ber ku ew hê jî bi xwe dibilin û bilyane.

Li hemberî hev xurt û bê vîjdan in, lê li hember pkk û dewletê jî bê dengin. Ji ber vê ez dibêjim; pkk li gor projeyên xwe, kar dikin, tiştên dixwazin pêk tînin, rojev di destê wan de ye, çawa dixwazin weha dikin. Partî û rêxistinên me jî tenê temaşe dikin.
Pir bi zelalî û eşkereyî diyar bû ku hdp ne partiya kurdan e. Tu kar û manceke wê ya ji bona kurdistanê tune ye. Tu derd û êşa wê ya li ser kurdan bigirî jî qet nebû ye û nabe jî. Ji ber ku ew êdî partiya tirkan e. Mejî û serî tirk û ereb, beden kurd jî be fêda xwe tune ye.