Partiyên me çi dikin???

Weke hûn jî baş dizanin ku partî û rêxistin ji bona azadiya gelê xwe, ya jî ji bona demokrasiya xelk xwe têne damezrandin û li gor vê karê xwe dikin.

Rêxistinên neteweyên kolonî jî kar û erkê wan ew e ku welatê xwe ji bin nîrê kolonîyê derxin, dewleta xwe damezrîne û li gor wê jî ji bona gelê xwe demokrasiyê bîne, aramaiyê bixulikîne, rehetiyê peyde bike.

Ew partî an jî rêxistinên ji ber zilm û zordariya li gelê wî tê, xwe li ser erda xwe peyde dike ango rêxistinekê dadimezrîne ku xelkê xwe bi rêxistinî bike.

Ji bona azadiya welatekî divê rêxistin, partî dem û dezgehên neteweyî hebin da ku li gor vê pîvanê gelê xwe yê ji aliyê dagirkeran ve bi zîncîran hatine girêdan azad bike û wan zîncîrên bindestiyê biqetînin , hen in. Ev rastiyake û li hemû cihanê weha ye.

Gelek caran mirov nikare eşkere bêje lê rastî ev e ku kurd û kurdistan ji vê cîhana me cûda ye. Ya jî ez weha difikirim. Çima hûn dizanin?

Ez ê vê jî vekim û nerîna xwe bi zelalî bînim zimên û hêvîdarim ku ez şaş derkevim.

Ez gihaştim wê qenatê ku piştî salên 2000 partî, rêxistin û komeleyên kurd û kurdistanê reng guherîn. Ew fedekariya berî salên 80ê nemaye. Ew baweriya wê demê êdî nayê dîtin. Ji ber ku partî û rêxistinên me yên niha jî, ango piştî salên 2000î xwestin xwe li gor guherandinên li cîhanê bûne, biguherin, lê bi vê guherandinê her ku çû ji hîs, bawer û nerîna neteweyî dûr ketin. Çawa?

Karê asasî yên partiyên siyasî ew e ku berê, destûr û bernameyeke neteweyî ji bona partî an rêxistina xwe hazir bikin. Dûre gelê xwe bi rêxistinî bikin. Piştre di bin wê sîwana rêxistinê de endam û gelê xwe bi bawerî û hîsên neteweyî perwerde bikin û taliya talî jî ji bona azadî, serbestî û serxwebûna gelê xwe li gor şertên heyî tekoşînê bidin.

Heger paratiyek ji bona azadiya gelê xwe bixwaze kar bike divê vana pêk bînin. Ji ber ku dema hîs û baweriya neteweyî bi kes û kesayetiyan re nebe, wê li gor vê tevbigerin û tim wê berjewendiya xwe a şexsî bide pêş. Ev jî doza welatekî qels dike.

Dema partî an rêxistina ku ji bona azadiye gel tenê damezrandin divê berê ji xwe bawer bike. Rojane siyasetê nemeşîne. Hedef û daxwazên xwe eşkere bike li gor wan tevbigere û xebatên xwe yên siyasî bike. Bi vî awayekî divê partî baweriyê bide endamên xwe ku ew ê xebata xwe ya neteweyî bikin heta ku welatê xwe azad bikin.

Loma jî girîng e ku divê partiyên kurd û kurdistanî berê endamên xwe û dûre jî serê xelkê xwe bi fikrên neteweyî dagirin. Ji ber ku heta tu neteweyî nefikire, tu nikare netewayekî jî azad bike.

Îcar divê çi bibe???

Pêwîst e ku partiyên kurd û kurdistanî berê ji endamên xwe de destpê bike û wan li gor nerîn û dîtina neteweyî perwerde bike. Ev jî bi saya kadiran dibe. Loma divê ew partî berê çend kadirên qirase, bê tirs, zana, têgihiştî û ne weke nanê ser silê bin, amade bikin.

Bi saya kesên ango kadirên weha divê li seranserê welêt endamên xwe dibin perwerdahiyek weha de derbas bikin. Loma jî girîng e ku ew kesên perwerdahiyek wehe bigirin wê tim neteweyî bifikirin û ev fikir wê gelê me zû bighêjîne azadiya wî.

Ez gihiştima wê baweriyê ku kêmanî û qelsiya rêxistinên me yên kurd û kurdistanê ev e. Yanî di karê perwerdayî de hema hema tune ne. Qurs û semînerên parwerdayî ji bona endamên xwe nadin. Endamên xwe bi ruhiyeteke neteweyî perwerda nakin, loma jî piraniya caran berjwendiyên şexsî li pêş e.

Divê partiyên me çi bikin?

Karê wan dive ne ew be ku herin ba avayiyên ku xerabûne wêneyên xwe bikşînin û li ser facebookê belav bikin. Divê karê wan ne ew be ku sibê, nîro û êvarî çi xwarinê bi hevre dixwin bi wêne belav bikin. Karên wan ê asasî dive projeyên kar amade bikin û li gor wê karê bê kirin destnîşan bikin.

Ne dereng e hema ji nihade dest bi karê perwedahiyê bikin. Endamên xwe li ser xeta neteweyî bighêjînin da ku ew jî di vê rêyê de karê xwe bikin. Li gor min çare ev e. Ya na endam berjewendiya xwe a sexsî di kîjan partiyê de bibîne wê bireve wir.

Ji bona cangoriyê welatê xwe Dr. Said Çurukkaya

Xemgînin em

Xemgînin hezkirên te
Dilbirîn û bi êşin mirovên te
Qêrîn û hawara dostên te
Lê çi bikim deng û hawara wan nayê te

Tu zû çû ji nava me
Hê gelek pêwîstî hebû ji te
Ev çi ecela te bû
Te em kirin xemgînê xwe

Te tim bi kenê xwe
Henek dikir li hevalên xwe
Ew man bê kenê te
Lê te ew kirin xemgînê xwe

Tu canfîdabû bo gelê xwe
Te canê xwe da ji bo azadiya welatê xwe
Lê tê tu caran neyê ji bîr kirin
Dr. Saîd Çurukkayê me