PKK Kî ye, kî ne û çi dike???

Lê ya rast ne ev e. Rastî ew e ku divê kesên ji welatê xwe hezdikin. Kesên dixwazin azadî û serxwebûna Kurdistanê bibînin, pêwîst e ew li hember hemî êrîşên ji teref pkk tên û wê bên ser Kurdistana azad û pêşmergeyên qehreman, derkevin e.

Li dij derketandina êrîşên dagirkeran û pkk yên li ser kurdistanê, tê wateya ku tu, ez, ew û em dixwazin li vê cihana ku ev sed salên kurd sêwî mane, ji wê xilas bikin, kî yê xilas bike? Helbet bi pêşîvaniya Barzaniyan, bi qaweta pêşmêrgeyan û bi helwesta gel ya ku xwedî li xwe, li axa xwe û li welatê xwe derdikevin in.

Lê ev nayê hesabê dagirkeran, loma plan û projeya azadî û serxwebûna Kurdistanê ya bi destê Barzaniyan hatibû danîn ango nivîsîn, têk bibin. Ji ber vê wan li hember Barzanaiyan û tevgera gelê kurd ji kurdan rêxistina ku wan damezrandin, berra pêxîla Barzaniyan û temamê kurdan dan. Niha ji her demê bêtir çalak kirine. Ji ber ku êdî Kurdistana serbixwe di şevreşa ev sed salin kurd têde dijiyan wê derxiin ronayî ango êdî roj li kurdan jî hiltê.

Min xwest di vê nivîsî de bi awayekî hinekî cûda li ser pkk ya ku niha bûye şûrê destê dagirkeran û kurdan şerjê dike, binivîsînim. Hêvîdarim ev ê bibe wesîla ku êdî dayik û bavên gerîla, zarokên xwe ji nav destê wê mengeneya ku kurdan dihêre derxin.

Pêşiyên me belasebeb negotine: ”Kurmê dare ne ji dare be, nikare bi darê”. Ya jî gotine: “Ji min keto û bi min keto”. Niha rewş, helwest, bûyer û kiryarê pkk jî ev in. Niha jî bi çend têbiniyan rewşa pkk ji we re vebêjim û hêvîdarim bê fêmkirinê.

Divê em berê ji roja pkk hatiye damezrandin û heta niha, li bakurê kurdistanê çi bi dest xistiye, ji bona kurdan çi rehetî û arami anîye binêrin.

Dema em li dîroka PKK binêrin dibînin ku wê heta niha li bakurê kurdistanê ji malwêranî û xerabûnê pêve tu tişt ji bona bakurê kurdistanê neanî ye. Ji xwe armanc, destûr û hedefa dagirkeran danîye ber pkkê ew e ku kurd nebin xwediyê xwe û tu tiştekî.

Di gelek daxuyanî, nivîs û gotinên xwe de Evdila tim dianî zimên digot û dibêje; heta ew û pkk hebe wê Barzanî nikaribe dewleteke kurdî ragihîne. Mebest di virde ne Barzanî ye, miletê kurd e, lê ji bona mirîdên xwe bixapîne weha dibêje.

Xaleke herî girîng jî ew ku li Bekayê yên Gerîlayên pkk perwerde dikirin. Yalçin Kuçik û Dogu Perîncak bûn. Ev herdu ne camêrana jî zilamên dewlet tirkan ya kûr in. Bi zimanekî din yên dewleta tirk bi rêve dibin ji wan du kesan jî ew in.

Îcar çawa dibe ku zilamên dewletê yên hustûna wê, dê hinan perwede bikin ku li dij dewleta wî derkevin ango şer bikin. Bersîva vê Ez ê bi gotina Y.Kuçik bidim. Kuçik di dadgeha tirkan de weha dibêje:

”Min nehişt ku kurdên li tirkiyê dijîn, bibin Barzanî. Ya na wan ê jî doza axê bikirana. Di demeke nêzde wê ji bona komara tirkiyê tekoşîn bidin û wê bêne kuştin, ma ev ne xeyala me tevan bû? Kurdek ji bona komara tirkiyê bê kuştin Dadger beg. Paşnavê min bi çûk e, lê ez ji bona dewletê karê mezin dikim”. Y.Kuçik-2007 parastina wî ya di dadgehê de.

Pir eşkere û zelal e ku pkk li ser navê bakurê kurdisanê ango rêxistina bakuriyane dane damezrandin. Lê bi hemî helwest û quweta xwe wir têk bir. Bi vê nehatin ser loma dixwazin perçên din jî bikin weke bakur. Hêvîdarim hûn xwendevanên hêja fêm dikin ku dixwazim çi bêjim, Loma naxwazim bi dirêjayî dîsa behsa wan xerabiyên pkk bikim. Kûr lê didim kurt dinivîsînim…

Her çi kesên ji pkk veqetiyan e, di gotin û çalakiyên xwe de tim anîna zimên ku pkk li dij Barzaniyan radiwestin û rawestiyanin. Çima? Ji ber ku dagirker dizanin yên Kurdistaneke serbixwe ragihînin tenha Barzanî ne loma PKK li serê wan û hemî kurdan kirine bela. Da ku Kurd ronahî û aramiyê nebînin..

Di şerê azadiya Kurdistanê de em û dinya hemî dizanin ku pêşmêrgeyên Kurdistanê bi hemî hêza xwe, bi bîr û baweriya xwe, bi can û malê xwe ji bona Kurdistaneke serbixwe ragihînin li hember dagirkeran şerê aman û nemanê didin.

Lê de werin pkk jî tim li başûrê kurdistanê van qahremanana dikujin û naxwazin ew bi serkevin. Lê li bakurê kurdistanê jî tu çalakiyê nakin. Tenê çend zilamên xwe ê girêdayî MITa tirkan (istîxbarat)ê xistine parlemana tirkan û ew kirine berdevk da ku li ser navê kurdan ew biryarê bidin…

Zimanê kurdî kuştine û hewl dana û didin ku hemî kurdên bakur entregeyî tirkan bikin. Yanî kurdan bikin tirk da ku mesele kurd û kurdistanê nemîne.

Bawer bikin mirov dikare van gelekî dirêj bike, heta pirtûkan jî li binivîsîne. Lê kurt û kurmancî, heta pkk hebe wê nexwaze û nehêle kurd bibin xwedî mafekî li tu perçan. Heta jê bê, wê wêrankirin û kuştina kurdan bike. Ji ber ku biryarê ne ew dagirker didin…

Niha pkk bi hemî giraniyê xwe, ji bona başûrê Kurdistanê nebe dewlet têdikoşe.Lê wê ev helwest di qirika wan û xalanên wan de bimîne. Heta Barzanî hebin, divê kurd netirsin, yên kurdan bikin xwedî dewlet tenha ew in. Loma her çar dagirker û pêgirtê wan pkk li dij wan e…

Bu makalede yer alan fikirler yazara aittir ve Nerina Azad'ın editöryal politikasını yansıtmayabilir.