Platforma Ked û Demokrasiyê serdana Hereketa Azadî kir
Platforma Ked û Demokrasiyê ya Amedê serdana Hereketa Azadî kir û piştgiriya xwe ji bo Hereketa Azadî nîşan da ku ji ber Alaya Kurdistanê polîsan avêtibû ser avahiya hereketê.
Piştgiriyên sazî û rêxistinên kurdan ên hember serdegirtinên polîsan ên bi sedema Alaya Kurdistanê didomin.
Di vê çarçoveyê de Platforma Ked û Demokrasiyê ya Amedê serdana Hereketa Azadî kir ku sekreterê Giştî Yê Hereketa Azadî Metîn Pîranî bi sedema ku Alaya Kurdistanê bi avahiya xwe ve kiribû hatibû binçavkirin û paşê serbest hatibû berdan.
Di serdanê de Sekreterê Giştî yê Hereketa Azadî Metîn Pîranî pêşwaziya endamên Platforma Ked û Demokrasiyê ya Amedê kir.
Metîn Pîranî amaje kir ew keyfxweş in ku partî, rêxistin û saziyên kurdan bi boneya xwedîlêderketina nirxên hevpar ên neteweyî tên cem hev û yekîtiyê nîşan didin.
Platforma Ked û Demokrasiyê ya Amedê jî anî zimên ku girîng e di rojên wisa de rêxistinên kurdan xwedî li hev derbikevin û helwestek hevpar nîşan bidin.
Nûvekirina herî dawî: 04:09:42
