Daxwaza Apo, Apocî û Apocitiyê çiye?

Hûn ya rastî bixwazin, mirov ne dikare ku behsa Apo neke. Ji roja tirkan ango dewleta kûr ya tirkan ew perwerde kirî ye û kir serokê hin kurdan û heta niha ew bi li bakurê kurdistanê û li her çar perçên kurdistanê tim di rojevê de ye.

Di rojevê de ye ku ji bona meselên girîng, probelem û êşên milet neyên dîtin, bihîstin û guhdarî kirin. Ji ber vê jî çi dema li perçeyeke kurdistanê tiştekî baş biqewime, rûdaneke nû ku fêda kurdan tê de be, tu hew dibîne, pkk ango apociyan rojev guherîn da ku wane nayên dîtin, bihistin.

Meseleyên kurd û kurdistanê yên ji bona azadiya kurdan, hemî şolî kirine, li bakurê kurdistanê siyaset qirêj kirine, nahêlin û naxwazin ji bilî dengê wan tu dengekî din derkev e.

Ji xwe armanc, hedef û hemî kiryarên pkk ango apociyan li ser vî asasî tê meşandinê. Dema tu rexne dike, sofî û mirîd êrîşê te dikin da ku kes bi şaşiyên wan nehesin an nebînin

Heta vê derê tu gotina min ji wan re tune ye. Pkk an apociyan senaryo ya dewletê ji wan re nivîsîye wê dilîzîn û nikarin nelîzîn an biguherin. Ji roja pkk û apocî derketine her ev sanaryo tê lîstin. Hin caran fuguran têne guherandin jî lê sanaryo her ew e.

Ev jî temam e. Ev jî heqê wan e. Rê û rêbaz ji bona wan weha danîne û ew jî mecbûrin li gor wê karê yên li ser asasê têkbirina berjewendiyên Kurdan têk bibin, dixebitin û dikin

Heyfa min tê li wê heyfê ku hin kes hene, bi salan e ji apociyan veqetiyan e, reviyane gelekên wan ji mirinê xilas bûne. Lê çi dema gotin tê ser pkk û apociyan tu dibîne gelek ji wan kesan wê diparêzin û bi awayekî veşirtî li dij helwesta welatparêzan derdikevin an bi awayekî fediyok wê naparêzin.

Li gor min yên apocitiyê li ser nigan dihêlin, ev hêz ango ev teref in Ew jî raste raste fikir û kiryarên apo, pkk naparêzin. Lê li ser xeta HDP tiştên ne di berjewendiya gelê me de bin dibêjin.

Ew ji me baştir dizanin ku HDP jî apoye, HDP pkk ye, lê van camêrana hê jî xwedî li helwestên HDP yên qirêj jî derdikevin. Her ew di wê baweriyê dene ku ”wê rojekê hdp bibe ya kurdan”. Lê ev xeyala wan weke tu xaniyê li ser berfê ava bike ye.

Niha pir bi zelalî eşkere bûye ku hdp na ya kurdan e. Piraniya rêvebirên wê jî ne kurd in. Lê bi saya dengê kurdan rola xerabkirina berjewendiyan kurdan dilîze. Bi saya wan kesên qaşo ji pkk hdp veqetiyan e, xelk nikare helwest û kiryaran baş bizanibe, fêr bibin û nas bike.

Dema civateke bû mirîd, êdî zehmet e ku tu rastiyê rê mirîdan bide. Ji ber ku ew li ser xeta mirîdîtiyê mezin û perwerde bûne û nikarin şaşiyên wê xete bibînin û bêjin. Ji ber wan kesên ji pkk hdp veqetiiyan e, car carna bi nivîs û helwestên xwe alîkar û pişgitiya hdp dikin û ev dibe sedem ku êdî wanê jê ne bawer jî ji wan venaqetin.

Em tim dibêjin û dinivîsînin, me tim gotiiye û nivîsîye. Bi salane pkk karê têkbirina kurdan dike û çend kes jî tim vê rastiyê dibêjin, lê mixabin kurd di vî warî de nikarin bibin xwedî helwesteke rast û neteweyî.

Ji roja başûrê kurdistanê ji bona kurdan bûye cihê hebûnê, bûye wargeha kurdan, bûye roniya çavên wan, bûye guh û zimanê wan, pkk lê dixebite vê bi alkarî û saya dagirkeran ji holê rake.

Niha xet û rêbaza başûrê kurdistanê ketiye ser avakirina kurdistaneke serbixwe. Kar û xebat di vê rêyê de tê kirinê. Ev jî piştî li hevkirina PDK,YNK û Goranê asasê vê bêtir saxlem bû ye.

Lê werin vê ecêbê ku ê ji vê aciz, ê vê qebûl nakin û ê dixwazin ev li hevkirin têk here da ku kurdistana serbixwe neyê ragihandin, pkk bi xwe ye.

Ji bona vê jî niha pkk li gel dagirkeran têkiliyên xwe zêdetir kirine û dixwazin sedemekê peyde bikin ku şerê başûrê kurdistanê ji nû de bikin da ku aramî nayê wir. Dema wir aram nebe, nikarin serxwebûna xwe jî ragihînin.

Niha lîstikên pir mezin ji teref pkk têne lîstin. Niha wê pkk bixwaze çalakiyên gelek xerab li başûr kurdistanê û li ser sînor bikin da ku li başûr tevlihevî derkev e.

Niha pkk haziriya şerekî mezin ku li gel başûrê kurdistanê bikin, dikin. Nihe ew vê jî bi çend derewên xwe weke ku desthilatê başûrê kurdistanê cihê Gerîllayên wan rê tirkan didin ew jî bombebaran dikin.

Pkk dixwaze bi derewên xwe kurdan li hemper desthilata başûrê kurdistanê bidin bi kar anîn. Loma jî niha dixwazin sedeman bixulikînin da ku şert û merc ji bona şerekî nû peyde bikin.

Helbet pkk vê bi serê xwe nake. Di meselê de dagirker hene û ew jî li gor emirê dagirkeran dixwazin şerê başûrê kurdistanê bikin. Da ku wê hebûnê têk bibin.

Divê hemî kurd hişyar bin, di şerek weha de dê hemî kurd wanda bikin. Loma jî divê kurd ji daxuyaniyên pkk bawer nekin û bi taybetî ji divê Gerîlla şerê başûrê kurdistanê nekin.

Helbet şer ne baş e, lê hat û ev qewimî divê êdî başûrê kurdistanê jî weke normên dewletbûnê rola xwe bilîzin, erd, xelk û hêjayiyên kurdistanê bi çi rêyê dibe bila bibe, divê biparêzin.

Îro hebûna kurdan di başûrê kurdistanê de ye, têkçûna wir wê bibe ya herçar perçênn kurdistanê.

Hûn bawer bin, têkçûna başûrê Kurdistanê, têkçûna hemî kurdan li seranserê cîhanê ye. Ji ber vê divê kurd li vê hebûnê xwedî derkevin, wê biparêzin û nehêlin bi biryara dagirkeran, bi destê pkk xortên me bêne kuştin.

Şerekî mezin di rê de ye. Wê çawa pêşî li vê bê girtin hê ne diyar e. Ji ber ku ji bona şerekî weha pkk di nava hemî haziriyan de ye ku wê pêk bînin.

Bi hêviya ku ev nebe…