Kurdno ji bona Lozana dudan xwe amade bikin

Dema Lozana nû hindik maye. Lê em kurd vê carê bê tirs in. Ji ber ku li ser navê Kurdistanê rêzda Mesud Barzanî, serokê herêma Kurdistanê rêzdar Nêçîrvan Barzanî û wê li ser navê hukumeta herêma Kurdistanê jî rêzdar Mesrûr Barzanî dê bikevin civînê, ya jî bi hebûna wan, li ser nave wan vê care dê kurd beşdarî Lozana nû bibin.

Bube Eser

20.04.2021, Sal | 17:11

Kurdno ji bona Lozana dudan xwe amade bikin

Ji ber ku vê carê ne ku wê welatê me perçe bikin, wê welatê wan bi destê xwe perçe kiribûn, li başûrê kurdistanê wê serbixwebûna wî ragihînin ango qebûl bikin. Li tevahiya kurdan pîroz be.

Lê divê kurd ji niha de haziriyên xwe bikin. Dema beşdarî kirin divê bizanibin dê çi bêjin û doza çi li welatên mezin bikin.

Helbet vê carê divê daxwaza me kurdan ev be ku wan dewletên Kurdistan perçekirin û daxwaza wan ew bû ku Kurdistanê ji holê rakin û tune bikin, bû. Lê ne dagirkerên me û ne jî wan dewletên mezin ku ev dixwestin bi ser neketin. Loma divê êdî serketin û ragihandina dewleteke kurdî ya serbixwe para kurdan be.

Çi dema mirov di karekî de bi sernekeve divê mirov metod, şikil û şemaya xebatê biguhere da ku li gor armancên xwe tevbigere.

Loma vê carê wan dewletên mezin ku Kurdistan perçekiribûn, fêm kirin ku Kurd naqedin. Kurd ne sed salan lê gelek sed salan jî dikarin berxwe bidin da ku erdê xwe ji destê dagirkeran azad bike.

Dor hatiye ku em kurd ji nû de welatê xwe şên, mirov û însanên xwe bi rêya demokrasiyê şad bikin. Vî welatê delal bi rêve bibin.

Lewra jî tekoşîn û berxwedana Kurdan ya heta niha ji bona vê bû. Bi qehramanî berxwe dan loma wenda nekirin eksê bi serketin. LÊ…

Lê divê Kurd ji niha de li gel hukumeta herêma Kurdistanê bikevin nava tevgerên ji bona serxwebûna welatê xwe. Ji niha de komîteyan damezrînin da ku di Lozana nû de şerpeze nebin.

Kurd bi hebûn, çalakî û zîrekbûna xwe divê tevbigerin da ku ji civîna Lozana dudan kurdistaneke serbixwe derkev e.

Ji niha de hemî şertên ji bona dewleteke serbixwe li başûrê kurdistanê amade ye. Amade ye ku wan dewletên ew perçe kiribûn, vê carê jî li gor biryara navdewletê, di Lozana dudan de mizginiya Kurdistana serbixwe di protokolên vê lozanê de binivîsînin.

Ev mizginî jî divê serokê Kurdistanê rêzdar Mesud Barzanî ragihîne gelê xwe. Gelê xwe, miletê xwe bi vê mizginiyê şad û bextewar bike.

Bi vê mizginiyê bêje ku; ”Kurdno êdî em serbixwene. Ne kole û rêcberên Tirkan, Ereban û Farisan in”.

Bi biryara di Lozana ewil de derketibû, em kurd ev sed salên kirin kole û rêcberên çar dagirkeran. Lê êdî roja me hiltê.

Em hemî kurdên seran serê cîhanê em ê vê mizginiyê li gor biryar û qerara Lozana dudan, ji devê serokê Kurdistan rêzar Mesud Barzanî bibihîzin.

Kurdno xwe amade bikin, hazir bin ku di peymana Lozana dudan de, em mafê xwe bi dest bixin, dewleta xwe ya serbixwe ragihînin.

Ji ber vê divê em çi sexs, çi dezgeh û çi jî parityên me yên siyasî ji niha de bikevin nava xebata ji bona Kurdistaneke serbixwe…

Êdî ew ne xeyal e, rastî ye ku ev rastî ev sed sal in hatibû veşartinê…

Bu makalede yer alan fikirler yazara aittir ve Nerina Azad'ın editöryal politikasını yansıtmayabilir.

1932 kes dît.
Rojanekirina Dawî:13:45:50

Bube Eser

Nivîsên Dawî a Nivîskar